Kryeministri në detyrë, Albin Kurti, është paraqitur sot në Kuvendin e Kosovës për t’u regjistruar si deputet, së bashku me anëtarët tjerë të Lëvizjes Vetëvendosje që kanë fituar mandatet pas zgjedhjeve të 9 shkurtit.

Pas përfundimit të regjistrimit, Kurti nuk dha asnjë deklaratë për mediat, të cilat e pyetën për ecurinë e formimit të Qeverisë së re.

Ky regjistrim është pjesë e një procesi formal që i paraprin seancës konstituive të Kuvendit, e cila është planifikuar për datën 15 prill 2025. Në këtë seancë pritet të zgjidhet kryetari i Kuvendit dhe të vendosen strukturat fillestare parlamentare.

Regjistrimi i deputetëve do të vijojë edhe në ditët në vijim, për t’u dhënë mundësi të gjithë anëtarëve të rinj që të përfundojnë procedurat zyrtare përpara nisjes së punës legjislative.